Transcription
1
Monsieur, jey resu les lestres qui vous a plu mescrire, vous mercian
2
très humbleman la bonne souvenanse qui vous plet avoyr de moy,
3
choze de quoy je ne suys dignne [sic], mès sèt an ansuyvan vos
4
acoutumées bontés davoyr toiour les povres afligées an
5
recommandations, don je me puys dire des plus car etant
6
venue ansette vile, pansan mestre fin aux afères des sieurs
7
De Marés et de moy, comme vous dit monsieur Hivonet, jey trové
8
les sus dis Desmarés manipulés et deliberés de me tromper,
9
ancores que autans leurs autres afères hisont contrées sus la
10
pasation dune tranzation que nous havons paser an esequtant
11
les santanses arbitrales et leur desein etoyt de me desezir
12
de mes deniers et après me fère courre après mon eteuf.
13
Mès mon consel aiant decovert leur movèze volonté, les at
14
ampeché et ey retiré mon argent que javès fet aporté par
15
lestre de change, rezolue de ne le bahier que par lavis de
16
mon consel, quelque longar que me scaroyt aver[t]i. An ses antrefètes,
17
je suys tumbée an une fievre que jey guardé se[p]t jour continue
18
et depuys convertie an double tierse, et says aut honziesme jour
19
de mon mal que fet prezumer quelque longar de ma maladie ;
20
et mat samblé jusques ala reseption de vos lestres que Noutre
21
Segnieur me voloyt antiereman aquablé de mal et diferés
22
mes Pasques an mafligean hime conserve an vos bonnes grasses
23
et souvenanses. Je ne doute que an faveur diselles mon bon droyt
24
ne me soyt guardé, vous suplian très humbleman an consideration
25
de lonar que jey dapertenir à feu madame de Guordes, me voloyr
26
tenir pour humble parante et servitresse. Brunet [ie : Brunel] mat hofert par
27
vos commandemans voutre mezon et ses commodités, de laquelle
28
je vous remersie bien humbleman. Je me suys logé, pansan fère bien,
29
[175 v°] bien [sic] peu de seiour ansette vile ha La Daviolette pour estre
30
près de mon avoquat, mès si ge ne fés rien avec mes parties,
31
je prierey quelque honnette dame de sette vile de me retirer
32
avec elle, car je ne suys deliberée de retorner à Seint Priet
33
pandan que je serey an afères avec heus pour ni resevoyr plus de
34
telles alarmes que giey resu, que sont la prinsipale cauze
35
de ma maladie, vous suplian voloyr joiendre toutes ses
36
bonnes volontés an hune pour porter mon droyt et mestre, si vous
37
plet segnieur et père, deziran sur tous vous rendre lobeyssance
38
de filie puys qui vous plet monorer de tant que demeurer et
39
ansette volonté je prierey Dieu,
40
monsieur, vous donner très huruze santé et longue vie.
41
De Grenoble, se honziesme fevrier 1574.
42
Voustre très humble et
43
plus hobeysante pour vous
44
fère servisse à jameys
45
claude de St priest